“Гандлёвы цэнтр”, ва ўсходне-паўночным куце плошчы, – у заняпадзе. На першым паверсе працуюць збольшага прадуктовыя крамы, а другі паверх напалову пусты, арандатараў няма. Калі вам трэба набыць штось з вопраткі, ідзіце ў суботу на рынак, купіце танней.

За “цэнтрам” стаіць новалукомскі хмарачос. Адзіны ў гэтай частцы места будынак не савецкага часу, узведзены адносна нядаўна.

 

З паўночнага боку плошчы працягваецца зялёная “эспланада”, якая йдзе ад выканкама. Архітэктару, каторы гэта прыдумаў, вялікі рэспэкт.