Гэтыя старонкі – прыватны праект, складзены досыць выпадкова.

Навошта яшчэ адна бібліятэка з таго, што ўжо ёсць у сеціве? Гэта мая ўласная кніжная палічка – тое, што мне падалося асабліва цікавым, самым-самым, і што раіў бы пачытаць ці паглядзець сябрам. Да таго ж у сеціве сёння нешта ёсць, заўтра ўжо няма, то каб не губляць, хай будзе й тут.

У тэкстах захаваны іхні правапіс – “наркамаўскі” ці тарашкевіцкі. Толькі  “Канспіратар”  перакладзены на наркамаўку. Калі вам больш зручна чытаць тарашкевіцаю, звяртайцеся да  першакрыніцы.

Плануецца змясціць і тое-сёе з папяровых выданняў, але нямнога. Па аднаму-два апавяданні з кнігі, спадзяюся, не надта парушаць аўтарскія правы, а хутчэй спрацуюць як рэклама – зацікавяць чытача і тою кнігай і ўвогуле творчасцю таго аўтара.

“Галерэя” – выявы розных аўтараў з сеціва. Карціны, фота, малюнкі.

На старонцы “Фота” – мая ўласная творчасць. Тое, што прысланае для сайта, – з імёнамі аўтараў.

Анімаваныя сцягі таксама зробленыя самастойна, а не ўзятыя аднекуль.

Пытанні, прапановы, ці то прэтэнзіі – калі ласка, дасылайце на esper@ya.ru.  Мяне завуць Валер Чарапанаў (на мове арыгіналу – Черепанов).

На галоўную старонку