Інтэрнацыянал
 

Барацьбы з капіталам
Бой апошні ідзе.
Інтэрнацыяналам
Яднайся, род людзей!
 

  
1

Устаньце, парыі планеты,
Ахвяры голаду і зла!
Кіпіць, імкнучыся да мэты,
Наш розум, прагны да святла!
Свет гвалту, здзекаў мы разбурым,
Ушчэнт разбурым, а на ім
Свет шчасця і дабра збудуем:
Хто быў нічым, той стане ўсім!
 

2

Ніхто не вызваліць ніколі:
Ні Бог, ні цар і ні герой –
Сябе пазбавім мы няволі
Мы самі, дружнай грамадой!
Каб свой забраць кавалак хлеба,
Рабаўнікоў за горла ўзяць –
Надзьмем мяхі: жалеза трэба
Пакуль гарачае каваць!
 

3

Закон з нас робіць вінаватых,
Падаткі смокчуць нашу кроў.
Дзяржава дбае пра багатых,
А праўда бедных – енк без слоў.
Але даволі мы маўчалі,
І час даўно наспеў сказаць:
«Каб праўды болей не тапталі,
З кален патрэбна праўду ўзняць!»
 

4

Агідны вы, як крывасмокі,
Чыгунак, шахтаў каралі!
Бо вы, з людзей піючы сокі,
Свае ўсе скарбы набылі.
І колькі б іх вы ні хавалі,
Ужо тых скарбаў лёс відаць:
Усё, што вы нарабавалі,
Павінны будзеце аддаць!
 

5

Цары не зманяць нас дурманам:
Народу – мір, царам – вайна!
І забастоўкаю тыранам
Адкажа армія сама!
Няхай тыраны прымушаюць
У бой смяротны крочыць нас, –
Салдаты ў іх паразражаюць
Свае гарматы у адказ!
 

6

Рабочым толькі і сялянам
Належаць гмахі і палі,
А дармаедам і тыранам
Не будзе месца на Зямлі!
Няхай драпежнікаў бясконца
Дзяўбуць драпежна груганы,
А нам жа ранішняе сонца
Заззяе промнямі вясны!
 


Тэкст з  www.a-pesni.golosa.info
Перакладчык Ул.Пашук.

Пераклад зроблены ў 1994-м, прысвечаны “грамадзяніну Густаву Лефрансэ, члену Камуны”.
Адкуль фота сцяга – ужо невядома.

 
 

 
Галоўная  >  Бібліятэка  >  Інтэрнацыянал